Më 15–16 shtator 2026, në Jerevan të Armenisë, u zhvillua Samiti Rajonal Evropë-Eurazi me temë: “Gratë, Paqja dhe Siguria” i organizuar nga International Republican Institute (IRI) në bashkëpunim me Women’s Democracy Network (WDN).
Samiti mblodhi së bashku gra drejtuese, deputete, politikëbërëse, përfaqësuese të shoqërisë civile, eksperte dhe aktorë të tjerë nga vende të ndryshme të Evropës dhe Euroazisë. Qëllimi i takimit ishte shkëmbimi i përvojave dhe forcimi i bashkëpunimit rajonal në lidhje me pjesëmarrjen e grave në proceset e paqes, sigurisë, qeverisjes demokratike dhe rimëkëmbjes. Ne kete
Gjatë dy ditëve të punimeve u zhvilluan diskutime në nivele të larta, grupe pune tematike dhe sesione shkëmbimi rajonal, ku u trajtuan disa prej çështjeve kryesore të agjendës Gratë, Paqja dhe Siguria.
Në fokus të diskutimeve ishin pajtimi dhe drejtësia tranzicionale, mbrojtja dhe reforma e sektorit të sigurisë, fuqizimi socio-ekonomik dhe rimëkëmbja, edukimi dhe qëndrueshmëria qytetare, si dhe roli i legjislacionit në ndërtimin dhe ruajtjen e paqes.
Pjesëmarrja në këtë samit krijoi mundësi për shkëmbimin e përvojave dhe këndvështrimeve me përfaqësues nga vende të ndryshme të rajonit, si dhe për identifikimin e prioriteteve dhe rekomandimeve praktike që synojnë forcimin e rolit të grave në ndërtimin e një paqeje të qëndrueshme dhe të shoqërive demokratike më rezistente.
Samiti në Jerevan përbëri një tjetër hap në drejtim të forcimit të rrjeteve rajonale të grave dhe të bashkëpunimit ndërmjet tyre për çështje që lidhen me paqen, sigurinë, demokracinë dhe qëndrueshmërinë e komuniteteve.
