Për dy ditë, kampusi POLITEHNICA në Bukuresht u bë një qendër e teknologjisë, inovacionit dhe bashkëpunimit ndërkulturor, duke bashkuar studentë nga vende të ndryshme, kompani, organizata ndërkombëtare dhe përfaqësues të misioneve diplomatike. I mbajtur midis 14 dhe 15 majit, POLI InternationalFEST iu kushtua studimeve inxhinierike në gjuhë të huaja, diversitetit kulturor dhe mundësive ndërkombëtare për të rinjtë. Në këtë aktivitet mori pjesë edhe Ambasadorja e Republikës së Shqipërisë në Bukuresht, Sh.S. Znj. Enkeleda Baduni Merkuri.
Në edicionin e dytë të POLI InternationalFEST morën pjesë edhe studentë nga Shqipëria që studiojnë në Universitetin Kombëtar të Shkencës dhe Teknologjisë Politehnica në Bukuresht. Nje nder pjesemarreset ishte dhe studentja Alina Zonja, nga komuniteti arumun i qytetit te Fierit qe aktualisht ndjek studimet ne Fakultetin e inxhinierise në gjuhë të huaja, FILS. Alina ishte dhe flamurmbajtesja e Shqiperise ne kete veprimtari. Festivali bashkoi studentë, profesorë, studiues dhe përfaqësues të mjedisit të biznesit në një hapësirë inovacioni dhe dialogu ndërkombëtar. POLIFEST është vendi ku studentët gjejnë përgjigje rreth të ardhmes së tyre akademike, studentët përshkruajnë rrugën e tyre profesionale dhe zgjerojnë horizontet e tyre, dhe specialistët dhe studiuesit frymëzojnë dhe hapin mundësi të reja për karriera të suksesshme.
Eventi u ofroi pjesëmarrësve qasje në prezantime interaktive, demonstrime teknologjike, punëtori dhe takime të drejtpërdrejta me përfaqësues të kompanive dhe organizatave ndërkombëtare. POLI InternationalFEST promovon arsimin modern, shkëmbimet kulturore dhe bashkëpunimin ndërkombëtar, duke u ofruar pjesëmarrësve mundësinë për të zbuluar perspektiva të reja akademike dhe profesionale në një mjedis dinamik dhe multikulturor.
