Ka dalë në shtyp përmbledhja poetike “Vetëm tri fjalë” botim i shtëpisë botuese Enja, Tiranë. Redaktimi arumanisht nga Marije Çaçi dhe Ligor Thano, libri është përkthyer fillimisht në shqip nga Baki Ymeri. Ky botim u mundësua nga mbwshtetja financiare e z. Enea Kereci. Nw parathwnien e librit znj. Binjaku, drejtuese e Fondacionit HM shprehet: “Përmbledhja e vargjeve me titullin: “Vetëm tri fjalë” shkruar nga Adalbert Xhiurish (Adalbert Gyuris) erdhi në Shqipëri si dëshirë e vetë autorit. Poeti dhe publicisti, shkrimtari Adalbert Xhiurish shprehu një pasion dhe dashuri të veçantë për arumunët në Shqipëri. Në fillim të vitit 2025 autori na u drejtua për ta botuar përmbledhjen poetike “Vetëm tri fjalë” edhe në arumanisht, duke dashur të komunikojë me lexuesit arumunë. Siç edhe ishte planifikuar, libri po përurohet në muajin maj. Largimi i beftë nga jeta bëri që autori i këtyre vargjeve të mos i shihte ato të botuara, por jemi përpjekur që libri të vijë sa më pranë dëshirës së tij. Falënderimet shkojnë për mbështetësin e këtij botimi z. Enea Kereci që falë kontributit financiar e mundësoi daljen në dritë të librit. Me këtë botim lexuesit e pakicës kombëtare arumune në Shqipëri u bashkohen adhuruesve të shumtë të mendimit poetik të Adalbert Xhiurishit”.
Nga Entela Binjaku
