Komiteti për Pakicat Kombëtare shpall listën e përfituesve të mbështetjes financiare për projekt-propozimet e dorëzuara në kuadër të Thirrjes së Parë dhe të Dytë për vitin 2025, me temë:
“Diversiteti na bashkon: Ruajmë traditat dhe zakonet, ndërtojmë të ardhmen”
Mbështetur në VKM 769 datë 15.12.2021 për “Kriteret e mbështetjes së nismave dhe projekteve që synojnë mbrojtjen e të drejtave të pakicave kombëtare, ruajtjen dhe promovimin e identitetit të tyre të dallueshëm kulturor, etnik, gjuhësor, tradicional e fetar dhe kriteret e përzgjedhjes për financimin dhe administrimin e fondit për pakicat kombëtare”,
– Thirrja e Parë për projekt-propozime e Komitetit për Pakicat Kombëtare për vitin 2025, qëndroi e hapur nga data 18 shkurt – 3 prill 2025,
– Thirrja II për projekt-propozime e Komitetit për Pakicat Kombëtare për vitin 2025, qëndroi e hapur nga data 23 prill –9 qershor 2025
Të dyja Thirrjet mbështetën projekte dhe veprimtari që nxisin, ruajnë dhe promovojnë vlerat e trashëgimisë kulturore të pakicave kombëtare në RSH në përputhje me prioritetet e secilës thirrje si: Organizimin e Festivaleve Folklorike me bashkëpunimin e përfaqësuesve të nëntë minoriteteve, promovimin e veshjeve tradicionale të pakicave kombëtare, organizimin e aktiviteteve në fushën e kulinarisë, botime në gjuhët përkatëse të pakicave kombëtare
Fondi i Pakicave Kombëtare për vitin 2025 ishte në vlerën totale prej 12.000.000, përcaktuar kjo me Ligjin Nr. 115/2024 “Për buxhetin e vitit 2025” (ndryshuar me aktin normativ nr. 3, datë 29.4.2025).
Në Thirrjen e Parë, paraqitën propozimet e tyre 19 shoqata dhe persona fizikë, nga të cilët u shpallën fitues 2 shoqata, projektet e të cilave u financuan në vlerën prej 6.000.000 lekë.
Në Thirrjen e Dytë, fondi i mbetur ishte në vlerën prej 6.000.000 lekë dhe paraqitën projekt-propozimet e tyre 8 shoqata dhe persona fizikë, nga të cilët u shpallën fitues 7 prej tyre.
Numri total i projekteve të mbështetura 9.
Komisioni i Vlerësimit pjesë përbërëse e të cilit është dhe një përfaqësues i shoqërisë civile, mbështetur në VKM 769 datë 15.12.2021 mbi “Fondin për pakicat kombëtare” Kreu II, Pika 8/c gjatë vlerësimit përzgjodhi projektet, që plotësonin kriteret e vendosura sipas Drejtimeve të Thirrjes dhe Udhëzuesit përkatës.
Lista e plotë e përfituesve gjendet në linkun bashkëngjitur.
Lista e Projekteve Fituese – Thirrja 1
| NR | EMRI I APLIKANTIT | TITULLI I PROJEKTIT | PAKICA KOMBËTARE | PËRFSHIRJA |
| 1. | Shoqata “Shën Kosmai” | “Diversiteti na bashkon: Ruajmë traditat dhe zakonet,ndërtojmë të ardhmen” | Pakica Kombëtare Greke | Projekt për Pakicën Kombëtare Greke në bashkëpunim me 9 Pakicat Kombëtare |
| 2. | Shoqata Kulturore “Dhropoli” | “Trashëgimia e Veshjeve Tradicionale Dropullite dhe Pogonite: Simbolikë, Histori dhe Identitet” | Pakica Kombëtare Greke | Projekt për Pakicën Kombëtare Greke |
Lista e Projekteve Fituese – Thirrja 2
| NR | EMRI I APLIKANTIT | TITULLI I PROJEKTIT | PAKICA KOMBËTARE | PËRFSHIRJA |
| 1. | Shoqata “Mjedisi dhe Komuniteti në Shqipëri” | “Promovojmë kulturën egjiptiane, mbrojmë vlerat e Trashëgimisë Kulturore Egjiptiane në Shqipëri” | Pakica Kombëtare Egjiptiane | Projekt për Pakicën Kombëtare Egjiptiane |
| 2. | Shoqata “Sonce” | “Krijimi i veshjeve tradicionale të pakicës Kombëtare Maqedonase, Arumune dhe Rome në qarkun e Korçës | Pakica Kombëtare Maqedonase | Projekt për Pakicën Kombëtare Maqedonase, në partneritet me Arumune dhe Rome |
| 3. | Person Fizik – Johana Bano | “Komunitetet e ushqimit dhe festës” | Pakica Kombëtare Greke | Projekt për Pakicën Kombëtare Greke, në bashkëpunim me 9 Pakicat Kombëtare |
| 4. | Shoqata “Bullgarët e Shqipërisë” | “Gora në traditat e shijes” | Pakica Kombëtare Bullgare | Projekt për Pakicën Kombëtare Bullgare |
| 5. | Fondacioni “Harriet Martineau” | “Trashëgimia dhe kultura arumune, së bashku dhe në një tryezë” | Pakica Kombëtare Arumune | Projekt për Pakicën Kombëtare Arumune |
| 6. | Shoqata “Voice of Roma in Albania” | “Dokumentimi dhe promovimi i trashëgimisë kulturore, historisë dhe kontributit të Pakicës Rome përmes novelës grafike” | Pakica Kombëtare Rome | Projekt për Pakicën Kombëtare Rome |
| 7. | Person fizik – Endrit Fetahu | “Vepër letrare me përmbledhje dhe studime të autorëve shqiptarë me origjinë maqedonase” | Pakica Kombëtare Maqedonase | Projekt për Pakicën Kombëtare Maqedonase |
Burimi: www.pakicatkombetare.gov.al
