Fondacioni “Harriet Martineau” ka përfunduar projektin: “Trashëgimia dhe kultura arumune, së bashku dhe në një tryezë”. Për të përmbyllur projektin Fondacioni HM zhvilloi tryezën informuese rreth më 3 tetor 20225, ora 11.00 në sallën e Konferencave të Hotelit “OPERA”. Projekti u zhvillua me mbështetjen e Komitetit për Pakicat Kombëtare. Të pranishmit në tryezë ishin përfaqësues të pakicave të ndryshme pjesë e Komitetit të Pakicave Kombëtare: boshnjake, greke, malazeze, egjiptiane si dhe punonjës të këtij institucioni që ndanë me të pranishmit edhe përkatësinë e tyre etnike. E ftuar në këtë tryezë ishte znj. Lefteri Gjoshe, autore e librave për fëmijë kushtuar gatimit, njohëse e kulinarisë arumune dhe fituese e edicionit II të programit televeziv “Gjyshet milionere” transmetuar nga RTSH. Kjo tryezë u organizua pas tri veprimtarive dyditore ku amvisa arumune të Fierit, Korçës dhe Elbasanit demonstruan gatime tradicionale të përgatitura nga duart e tyre.
“Ekspozitat e shijes” u mbajtën në 13, 14, 20,21, 27,28 shtator në Fier, Korçë dhe Elbasan. Gatimet autentike janë pjesë e botimit të një broshure mbi “Trashëgiminë Kulinare” që pritet së shpejti te jetë në duart e adhuruesve të gatimeve arumune.
