Fondacioni HM ka nisur zhvillimin e projektit me titull: “Identitete në dritë: Libri, artizanati dhe trashëgimia”. Projekti realizohet “Me mbështetjen e Komitetit për Pakicat Kombëtare” në kuadër të Thirrjes 2026 “Trashëgimia si urë bashkëjetese”. Veprimtaria 1: Ekspozim i punimeve artizanale dhe fotografive që pasqyrojnë kulurën e pakicës arumune, 15 -16 gusht 2026, Divjakë. kemi kontaktuar pjestarë të komunitetit arumun në Divjakë që do t´i bashkohen ekspozimit. Datat e zhvillimit të projektit janë 15- 16 gusht 2026. Këto data janë zgjedhur nisur nga vlera shpirtërore që ka për komunitetin arumun atmosfera e Festës së Shën Mërisë ose dita e Fjetjes së Hyjlindëses. Veprimtaria do të mbahet në një nga mjediset e qytetit. Mendojmë që ditën e shtunë, më 15 gusht veprimtarinë ta zhvillojmë në orën 19.00 ndërsa ditën e dielë më 16 gusht ta zhvillojmë në orën 9.00 ne mjediset e Aliaj Event.
Ky koleksion i kartolinave me punime artizanale arumune përfshin:
• Punime me grep – me motive gjeometrike
• Punime me grep – me motive lulesh
• Velenxa të endura në tezgjah
• Rrugica të endura në tezgjah
• Fanella të punuara me shtiza
• Papuçe të punuara me shtiza
• Çorape të gjata të punuara me shtiza
• Floktore të endura në tezgjah
Një vend me rëndësi zë përpunimi i leshit – tjerrja, ngjyrosja dhe endja e materialeve për veshje dhe elementë të përdorimit të përditshëm. Punimet artizanale të grave arumune pasqyrojnë traditën e ruajtur brez pas brezi dhe përbëjnë një pjesë të rëndësishme të trashëgimisë kulturore arumune.
