Diten e hene ne 29 qershor 2026, znj. Entela Binjaku, drejtuese e Fondacionit H.Martineau mori pjese ne veprimtarine e organizuar nga Institucioni i Avokatit të Popullit ku u prezantua raporti “Gjendja e të drejtave të pakicave kombëtare në Shqipëri 2015–2025”, i përgatitur me mbështetjen dhe ekspertizën ligjore të Këshillit të Evropës. Ky takim u mbajt në Tirana International Hotel dhe u organizua nga Seksioni i Përgjithshëm i Avokatit të Popullit, në kuadër të veprimit “Përmirësimi i mbrojtjes nga diskriminimi në Shqipëri”, pjesë e programit të përbashkët të Bashkimit Evropian dhe Këshillit të Evropës “Mekanizmi Horizontal për Ballkanin Perëndimor dhe Turqinë”. Prezantimi i raportit u krye nga znj. Irma Baraku, eksperte e Keshillit te Evropes, kontribuese ne studim. Ne takim mori pjese z. Endrit Shabani, Avokati i Popullit, znj. Giulia Re, Kreu i Zyres se Keshillit te Evropes ne Tirane dhe z. Velislav Ivanov, Drejtues i Ekipit per Integrimin Evropian. Ne fjalen e saj znj. Binjaku foli per rezultatet e Censusit, per krizen demografike nen te cilen ndodhen edhe pakicat kombetare, per emergjencen per ruajtjen e identitetit kulturor te pakicave, ajo vleresoi rekomandimet e Raportit per ministrine e arsimit per ruajten e identitetit. Ajo tha se bashkendan shqetesimet e te gjithe pakicave te tjera ku Fondi per Pakicat duhet te jete ndihme per te gjitha pakicat. Avokati i Popullit, Endrit Shabani, dhe komisionerja Vilma Shurdha prezantuan studimin “Gjendja e të Drejtave të Pakicave Kombëtare në Shqipëri”, i realizuar me mbështetjen e Këshillit të Evropës dhe Bashkimit Evropian. Aktiviteti u organizua nga Seksioni i Përgjithshëm i Avokatit të Popullit në kuadër të veprimit “Përmirësimi i mbrojtjes nga diskriminimi në Shqipëri”, pjesë e programit të përbashkët të Bashkimit Evropian dhe Këshillit të Evropës “Mekanizmi Horizontal për Ballkanin Perëndimor dhe Turqinë”. Gjatë fjalës së tij, Shabani u ndal te hendeku mes njohjes ligjore të të drejtave të pakicave kombëtare dhe mënyrës se si këto të drejta zbatohen dhe përjetohen në praktikë nga qytetarët e këtyre komuniteteve. Ai theksoi se miratimi i Ligjit nr. 96/2017 “Për mbrojtjen e pakicave kombëtare” përbën një hap të rëndësishëm, por nënvizoi se njohja ligjore është vetëm fillimi i procesit. Sipas Avokatit të Popullit, mbledhja e të dhënave dhe evidencave nga partnerët ndërkombëtarë, si edhe nga vetë komunitetet e pakicave, për çështje që shpesh nuk evidentohen nga institucionet publike, përbën një tregues të rëndësishëm për shtetin. Në këtë kuadër, ai shpalli dy angazhime konkrete: përfshirjen, për herë të parë, të një kapitulli të strukturuar mbi të drejtat e pakicave kombëtare në raportin vjetor të institucionit, duke integruar edhe kontributet e organizatave të shoqërisë civile, si dhe hapjen e zyrave pranë zonave ku jetojnë komunitetet e pakicave kombëtare.
.
