Më 13 dhe 14 shtator 2025 në mjediset e mrekullueshme te Kompleksit “APOLLON” në qytetin e Fierit u mbajt veprimtaria dyditore kushtuar promovimit të trashëgimisë kulturore të pakicave kombëtare në Shqipëri. Në përurimin e projektit “Trashëgimia dhe kultura arumune, së bashku dhe në një tryezë” morën pjesë anëtare të këtij komuniteti në qytetin e Fierit, dashamirës dhe qytetare te interesuar për vlerat e pakicave. I pranishëm në këtë ceremoni ishte z.Margit Jica, Anëtar i Pakicës Kombëtare Arumune në Komitetin për Pakicat Kombëtare të Republikës së Shqipërisë.
Veprimtaria vijoi edhe ditën e dielë me 14 shtator ku vizitore dhe qytetare kurioze ju afruan tryezave per t´u njohur me mire me kulinarine arumune qe bazohet kryesisht në përbërës të thjeshtë, por cilësorë: djathi, gjalpi, bylmeti, mishi i qingjit i rritur në kushtet e shtëpisë dhe brumërat të përgatitura sipas recetave të trashëguara në breza. Gatimet dhe rrëfenjat autentike që qëndrojnë pas tyre, zbulojnë jo vetëm shijet, por edhe vlerat kulturore të kësaj pakice. N
Në këtë veprimari një vend të vecantë zuri edhe artizanati arumun. Në një nga këndet e ekspozitës demonstruese ishin vendosur edhe objekte të rëndësishme artizanale që dëshmonin pasurinë kulturore të kësaj pakice dhe ndërthurjen mes artit të kulinarisë dhe atij artizanal. Ky projekt do te vijoje me demonstrime dyditore ne Korce dhe Elbasan.
Projekti: “Trashëgimia dhe kultura arumune, së bashku dhe në një tryezë” realizohet me mbështetjen e Komitetit për Pakicat Kombëtare të Republikës së Shqipërisë. Ky projekt zhvillohet në kuadër të Thirrjes së Dytë për vitin 2025 me moton “Diversiteti na bashkon: Ruajmë traditat dhe zakonet, ndërtojmë të ardhmen”. Falendërojmë për mbështetjen Komitetin për Pakicat Kombëtare të Republikës së Shqipërisë.
