Organizata për Siguri dhe Bashkëpunim në Evropë (OSBE) – Prezenca në Shqipëri organizoi te marten e dates 28 tetor 2025 një konsultim me organizatat e shoqërisë civile që përfaqësojnë pakicat kombëtare ose janë të specializuara në çështjet e pakicave kombëtare. I pranishem ne takim ishte Drejtuesi i Prezences se OSBE-se ne Shqiperi, ambasadori Michel Tarran.
Qëllimi i këtij takimi konsultues ishte krijimi i një platforme të hapur ku përfaqësuesit e pakicave kombëtare dhe organizatat e tyre të shoqërisë civile (OSHC) ndanë drejtpërdrejt me Prezencën pikëpamjet, sfidat dhe nevojat e tyre. Pjesëmarrësit paten mundësinë të zhvillojnë biseda informale me Kryetarin e Prezencës dhe stafin programatik për të paraqitur punën e tyre dhe për të eksploruar fusha të mundshme për mbështetje nga ana e Prezencës.
Diskutimi shërbeu gjithashtu si një mundësi për të shkëmbyer mendime mbi dinamikat në zhvillim, zhvillimet dhe sfidat kryesore në fushën legjislative, veçanërisht në kontekstin e proceseve të vazhdueshme të reformës në Shqipëri dhe përafrimit me standardet dhe angazhimet ndërkombëtare. Në këtë tryezë të rrumbullakët mori pjese edhe perfaqesuesja e Fondacionit Harriet Martineau, znj. Entela Binjaku.
