Dëgjohemi në radion ARUMUN! Radio ARUMUN, Radioja juaj!
Gjatë këtij viti Fondacioni HM po zhvillon dy projekte: “Vazhdimin e klasave të arumanishtes në Mekat, Vlorë” dhe “Vazhdimin e portalit “arumun” , i radios online dhe mbështetja për kanalin RTSH-Gjirokastra”. Prej gushtit të vitit të kaluar kemi nisur me transmetimin në internet të radios. Punojmë cdo ditë për pasurimin e programacionit. Emisionet mund të ndiqen në internet, kudo në botë. Takohemi cdo ditë online me lajmet arumanisht në orët 12.00, 15.00 dhe 18.00, në orët 11.00 dhe 16.10 me “Abetaren arumune” për të gjithë ata që mësojnë gjuhën e fëmijërisë së prindërve dhe gjyshërve, të shtunave dhe të dielave në orën 19.00 në emisionin “Intervista” etj. Emisionet mund të ndiqen në internet, kudo në botë, në oraret e sipërpërmendura.
Marrin pjesë: Entela Binjaku, koordinatore e projektit “Vazhdimi i portalit “arumun” të radios online dhe mbështetje për kanalin RTSH-Gjirokastra”. Përvoja e saj në zhvillimin e projekteve edukative për të rritur dhe fëmijë është i materializuar edhe në përfshirjen e programeve që transmetohen në radion online.
Alina Zonja- krijuese e materialeve në projektin- “Vazhdimi i klasave të arumanishtes në Mekat të Vlorës” dhe “Vazhdimi i portalit “arumun”, i radios online dhe mbështetja për kanalin “RTSH-Gjirokastra”, të dyjaprojekte që u kushtohen arumuneve në Shqipëri.
Juri Andoni- redaktor muzike
Radioja mund te ndiqet duke vizituar: www.arumun.com. Në program: Lajmet arumanisht çdo ditë, aforizma në arumanisht, Ligji për “Mbrojtjen e Minoriteteve Kombëtare në RSH”, Ligji për “Ndihmën ligjore falas”, muzikë klasike me koment, tregime dhe përralla të dramatizuara, intervista në dialektin arumun, mësime nga abetarja arumune, këngë arumune, muzikë rumune etj.
Projekti me titull: “Vazhdimi i portalit “arumun”, i radios online dhe mbështetja për kanalin RTSH-Gjirokastra” është realizuar me mbështetjen e Departamentit për Rumunët e Kudondodhur. Përmbajtja e këtij materiali nuk përfaqëson pozicionin zyrtar të Departamentit për Rumunët e Kudondodhur.
